Танымал қазақстандық блогер Дархан Жолшыбек сот арқылы алимент төлеуге мәжбүр болды

Танымал қазақстандық блогер Дархан Жолшыбек баласына алимент төлемес үшін жалақысын 70 мың деп көрсеткен, деп хабарлайды Zakon.kz.

С., Алматының кәмелетке толмағандардың істері жөніндегі мамандандырылған ауданаралық сотына баланың әкесі Дархан Жолшыбековтің танымал блогер бола тұра, басқа да табыстары болса да, 20 мың теңге алимент төлейтіні туралы уәжбен жүгінген.

Істі қарау барысында баланың әкесі Жолшыбеков жалақысы 70 000 теңге көлемін құрайтыны туралы анықтама ұсынған.

Осы орайда, банк анықтамаларынан Жолшыбековтің есепшотында қомақты ақша қаражаттары бар екені, қымбат заттар сатып алатыны, туризм және демалыс мақсатында республикадан тыс жерлерге жиі шығатыны анықталды.

"Сот іс бойынша анықталған мән-жайларды, оның ішінде жауапкердің басқа да кірістерін ескере отырып, баланың мүддесін ескере отырып, Жолшыбеков дан талап қоюшы С.-ның пайдасына 30 АЕК тұрақты сомада алимент өндіру туралы шешім қабылдады", - деп хабарлады Алматы сотының баспасөз қызметі.

Сот шешімі заңды күшіне енген жоқ.