Талдықорғанда өзгенің көлігін ұрлаған ер адам ұсталды

Талдықорған қаласында Mercedes маркалы автокөлік ұрланған. Полицияның мәліметінше, күдікті – Алматы облысының 33 жастағы тұрғыны, қылмыс жасап, Бесағаш ауылына ұрланған көлікпен жасырынып үлгерген.

Полиция қызметкерлері күдіктінің орналасқан жерін жедел анықтаған, бұл оны қылмыстың ізін суытпай ұстауға мүмкіндік берді.

Көлік заңды иесіне қайтарылды, ал күдікті қамауға алынды. Қазіргі уақытта тергеу жалғасуда. Заңнамаға сәйкес автокөлікті ұрлағаны үшін қылмыстық жауапкершілік қарастырылған.

Кінәлі адамға бір мың айлық есептік көрсеткішке дейін айыппұл, 600 сағатқа дейін түзеу немесе қоғамдық жұмыстар, екі жылға дейінгі мерзімге бас бостандығын шектеу немесе сол мерзімге бас бостандығынан айыру жазасы тағайындалуы мүмкін.

Полиция азаматтарға мұқият болуды және өз мүлкін қорғау үшін шаралар қабылдауды, соның ішінде ұрлыққа қарсы жүйелерді орнатудың қажеттілігін ескертеді.