Қызылордалық мердігер Рудныйды мерекелік безендірусіз қалдыруы мүмкін

Рудный әкімшілігі жаңа жыл қарсаңында қала көшелері безендірілмей қалуы мүмкін деп алаңдауда. Толығырақ Zakon.kz ақпаратында.

Жергілікті "қала" интернет-порталы ақпаратынша, 29,5 млн теңгеге көшелерді жаңа жылдық безендіру бойынша конкурста жеңіске жеткен мердігер жұмысқа кірісуге асықпауда. Бұл туралы 2 желтоқсанда кеңейтілген жиналыста қала басшысы Виктор Ионенко мәлімдеді.

"18 қарашада Қызылорда қаласының мердігерімен келісімшартқа қол қойылды. Содан бері компания тарапынан бірде-бір қозғалыс жоқ. Ештеңе жасалмады, кепілдік жарна жоқ, компания өкілі келгенімен анық ештеңе айтпады, иықтан қағып кетіп қалды",- деді ашуға булыққан әкім.

Сондай-ақ, қала басшысы жоспарланған жұмыс көлемінің ауқымды екенін атап өтті.

"Шарт аясында біз 16 желтоқсанға дейін күтуіміз керек, бірақ оған дейін жеткізбей деп үміттенейік",- деді ол.

Бұған дейін Оқу-ағарту министрі мектептерде жаңа жылдық мерекелерге ақша жинауға тыйым салынғанын еске салды.