Шымкентте 20 жастағы қызды көлік қағып өлтірді

15 тамызда Шымкенттегі Жәнібеков көшесінде адам өлімімен аяқталған жол апаты болды, деп хабарлайды Zakon.kz.

Куәгерлердің айтуынша, көлік жүргізушісі рөлге ие бола алмай, 20 жастағы қызды қағып кеткен.

Zakon.kz редакциясы қалалық полиция департаментінің баспасөз қызметіне ресми сауал жолдады.

"Жол апаты салдарынан 2004 жылы туған жаяу жүргінші алған жарақатынан оқиға орнында қайтыс болды", - деп жауап берді департамент.

Қазіргі уақытта тергеу амалдары жүргізіліп жатыр.