Павлодарлық дәрігерлер жол апатынан зардап шеккен үш баланың жағдайы қандай екенін айтты

Павлодар облысында бала толы жеңіл автокөлік жүк көлігімен соқтығысқан. Бір ұл мен екі қыз бала ауруханаға шұғыл жеткізілді, деп хабарлайды Zakon.kz.

"Павлодар-онлайн" басылымның хабарлауынша, аталған жол апаты 29 маусымда Павлодар мен Ақсу арасындағы тас жолда болған.

"Оқиға орнынан облыстық балалар ауруханасына бірден үш бала жеткізілді: 8 жасар ұл, 10 және 11 жастағы екі қыз бала. Балалардың жанында екі ересек адам: 65 жастағы ер адам мен 66 жастағы әйел болған. Жол апатынан зардап шеккен 37 жастағы ер адам медициналық тексеруден кейін үйіне оралды", - деді облыстық жедел жәрдем станциясының баспасөз қызметі.

Облыстық балалар ауруханасы балалардың жағдайына қатысты ақпаратпен бөлісті.

"Балаларды кезекші дәрігерлер тексерді: травматолог, хирург және ЛОР дәрігері. Барлығы травматология бөлімшесіне жатқызылды. Ата-ананың айтуынша, 29 маусымда сағат 13.00-де Қарабай ауылының маңында жүк көлігімен соқтығысқан. Көлікте зардап шеккен балалар да болған. ​Қазіргі уақытта барлық қажетті емдеу-диагностикалық іс-шаралары жүргізілуде", - деп атап өтті ақ халаттылар.

Үш балада да бас миының жабық жарақаттары, мидың шайқалуы, көптеген көгерулер мен сырылулар бар.

1 шілдеде ҚР құтқарушылары көрші елдегі селден қаза тапқан балалардың денелерін тасымалдау үшін Қырғызстанға ұшып барғаны белгілі болды.