Павлодар облысындағы өрттен екі бала қаза тапты

Облыстық төтенше жағдайлар департаменті Иртышск ауылындағы жеке үйде өрт шыққанын хабарлады

Қоңырау бүгін таңғы сағат 8:33–те түсті. Өрт сөндірушілер оқиға орнына үш минут ішінде жетті.

— Келген бойда үйдің толығымен жалынға оранғаны анықталды: жиһаз, тұрмыстық заттар және шатыр жанып, қалың түтін байқалды. Қиын жағдайға қарамастан, өрт сөндірушілер алғашқы минуттардан бастап зардап шеккендерді іздей бастады, — деп хабарлады Павлодар облыстық төтенше жағдайлар департаменті.

Құтқарушылар өрттен үш баланы алып шықты, ал тағы біреуі өрт сөндірушілер келгенге дейін құтқарылды.

— 50 шаршы метр аумақты шарпыған өрт сөндірілді. Өрттің себебі анықталып жатыр, — деп қосты облыстық төтенше жағдайлар департаменті.