Пайдакүнемдік-зорлық сипатындағы қылмыс: Таразда полиция қылмыскерді іздестіріп жатыр

Жамбыл облысының Полиция департаменті Тараз қаласының аумағында пайдакүнемдік-зорлық сипатында қылмыс жасады деген ер адамды іздестіріп жатыр, деп хабарлайды Zakon.kz.

Өңірлік полиция Instagram-дағы парақшасында іздеудегі адамның суретін жариялап, толыққанды мәлімет таратты.

"1995 жылы 3 қарашада дүниеге келген Қанат Доғдырханұлы Бекенге іздеу салынады. Белгілері: бойы – 168 см, дене бітімі – арық, қара шашты, беті сопақша, құлағы үлкен, сәл қалқиған, орташа мұрынды, сол жаққа қисайған, ерні үлкенірек. Күдікті "Nike" жазуы бар қара қалпақ, көк түсті жейде және спорттық қара түсті шалбар киген", делінген полиция хабарламасында.

Іздеуде жүрген адамның орналасқан жері туралы ақпарат білетін азаматтарды полицияның келесі нөмірлеріне хабарласу сұралады: 8(7262) 99-70-10, 99-77-05, 8700-200-07-00, 8775-511-17-77,8771-231-70-00, 8700-958-61-31.