Оралда ағылшын тілінде «Ел ертеңі – білімді ұрпақ» атты облыстық пікірсайыс турнирі өтті

19:26, 11 сәуір 2023

© Сурет: әлеуметтік желіден алынды

Орал шаһарындағы оқушылар сарайында 12 сәуір – Ғылым қызметкерлері күніне орай 8-11 сынып оқушылары арасында "Ел ертеңі – білімді ұрпақ" атты облыстық пікірсайыс турнирі ағылшын лигасы бойынша өтті, деп хабарлайды Zakon.kz.

Өскелең ұрпақтың қазақстандық патриотизмі мен азаматтылығын қалыптастыру, оқушылардың бойында жауапкершілік, туған өлке мен елдің мәселелерін талқылауға және шешуге қатысты сезімін тәрбиелеп, шығармашылық қабілетін дамытуды мақсат еткен шараны облыстық білім басқармасы, "Дарын" қосымша білім орталығы ұйымдастырды.

"Облыстық турнирге мектепшілік, аудандық, қалалық кезеңдерінен өтіп, жеңімпаз атанған дебат клубтарының көшбасшылары, барлығы 9 фракция, 18 оқушы қатысты. Турнир Америкалық парламенттік форматта өтті. Бұл Парламенттік сипаттағы дәйектердің, тапқырлықтың және риторикалық қасиеттердің сайысы. Әрқайсысы екі ойыншыдан тұратын үш команда – Үкімет пен Оппозиция ұсынған қарарды талқылады. Бұл сипаттағы дебаттың ерекшелігі зерттеу мен дәлелдер жинауға емес, тез сыни ойлауға, логикалық ойлауға және сараптамалық талдауға негізделген. Пікірсайыстардағы пікірталас мәселелерінің негізгі тақырыбы – сыбайлас жемқорлыққы қарсы мәдениетті қалыптастыру". Облыстық білім басқармасының бас маманы Баянгүл Семғалиева

Турнир қорытындысы бойынша Амангелді Тайманов атындағы №34 мектеп – бірінші орын, облыстық дарынды балаларға арналған мамандандырылған "Білім-инновация" мектеп-лицейі - екінші орын, облыстық дарынды балаларға арналған мамандандырылған Сәкен Сейфуллин атындағы №11 мектеп-лицей интернаты үшінші орын иеленді.

Айта кетсек, ағылшын тіліндегі пікірсайыс облыстық деңгейде бірінші рет ұйымдастырылды.

Оқи отырыңыз

Жас сарбаз – әскери патриотизм балғын шақтан бастау алады

Астанаға барған жаңаөзендіктермен келіссөз жүргізу үшін арнайы байланыс тобы құрылады – ҚМГ

Роман Скляр: Алыпсатарлыққа және мұнай базаларында отынды "ұстауға" жол бермеу керек

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!