Мемлекет басшысы Корея Республикасының Президентіне құттықтау жеделхатын жолдады

Қасым-Жомарт Тоқаев Юн Сок Ёл мен корей халқын Ұлттық күнімен құттықтады, деп хабарлайды Zakon.kz.

Сондай-ақ, Ақорданың баспасөз қызметі нақтылағандай, Қазақстан Президенті екі елдің өзара іс-қимылы стратегиялық серіктестік рухында қарқынды дамып келе жатқанын атап өтті.

Президент жеделхатында Кореяны экономикалық және технологиялық дамуда зор жетістіктерге қол жеткізген мемлекет ретінде атап өтіп, екі ел арасындағы қарым-қатынас стратегиялық серіктестік рухында нығайып келе жатқанына тоқталды.

Сонымен қатар дәстүрлі достық пен берік байланысқа негізделген қазақ-корей ықпалдастығы халықтардың игілігі үшін одан әрі жандана беретініне сенім білдірді.

Мемлекет басшысы Корея Республикасы Президентінің жауапты қызметіне толағай табыс, достас корей халқына құт-береке тіледі.