Қостанайда автобустың ашық қалған есігінен құлап кеткен әйел тасымалдаушы компанияны сотқа берді

21:41, 9 қыркүйек 2024

© Сурет: Алматы қалалық әкімдігі

Қостанайда жүріп бара жатқан автобустың ашық қалған есігінен құлап кеткен әйел тасымалдаушы компанияны сотқа берді, деп хабарлайды Zakon.kz.

Қостанай қалалық сотына зейнеткер әйел моральдық зиянды өндіріп алу туралы талабымен жүгінген.

Іс материалдарына сәйкес, 2024 жылдың наурыз айында маршруттық автобус тізгініндегі азамат В. аялдамаға тоқтаған соң қауіпсіздікті қамтамасыз етпей, есіктің ашық қалған күйінде қозғала бастағаны анықталды.

"Салдарынан жолаушы С. құлап, орташа ауырлықтағы дене жарақатын алған. Бұл факт бойынша сотқа дейінгі тергеу басталып, азамат В-ның ЖКО жасаудағы кінәсі дәлелденді, алайда оған қатысты қылмыстық іс ақтау негіздері бойынша тоқтатылды. Сот маршруттық көлік құралының жүргізушісі "Т" ЖШС-мен еңбек қатынастарында болғанын, бірақ қылмыстық істі қарау барысында қайтыс болғанын анықтады. Осыған байланысты талапкер моральдық зиянды автобус иесінен өндіріп алу туралы талаппен жүгінді", делінген сот хабарламасында.

Қолданыстағы заңнамаға сәйкес зиянды өтеу міндеті кез-келген басқа заңды негізде жоғары қауіп көзіне ие заңды тұлғаға немесе азаматқа жүктелетіні нақтыланады. Зиянды денсаулыққа үлкен қауіп көзі келтірген кезде кінәлі болмай өтейді.

Сондықтан сот шешімімен жәбірленуші пайдасына "Т" ЖШС-дан 700 000 теңге сомасында моральдық зиян өндіріп алынды.

Сот шешімі заңды күшіне енген жоқ.

Бұған дейін Ақтөбеде "жаңа туған баланы асырап алуға көмектесемін" деп бірнеше адамды алдады деген айыппен әйел адамның төрт жылға сотталғанын хабарлағанбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!