Ұлытау облысында той күні қалыңдық жол апатына ұшырап, мобилограф қаза тапты

Ұлытау облысында жантүршігерлік жол апаты болды, деп хабарлайды Zakon.kz.

"Патриот" Telegram-каналының мәліметінше, оқиға 14 қыркүйекте сағат 18:30-да Жезқазған-Сәтбаев тас жолындағы жанармай құю станциясының жанында үш көліктің қатысуымен болған:

• KIA Sportage;
• Toyota Land Cruiser 200;
• Skoda Yeti.

Көліктердің бірі жанармай бекетінен негізгі жолға шығар кезінде, үйлену кортежінің көлігін жіберместен өтіп кетеді. Апат салдарынан қалыңдық пен тағы төрт жолаушыға медициналық көмек қажет болды, ал 19 жастағы мобилограф оқиға орнында қайтыс болды.

Ұлытау облысының полиция департаменті Қылмыстық кодекстің 345-бабы бойынша "ауыр зардаптарға әкеп соққан жол қозғалысы ережелерін бұзу" бойынша қылмыстық іс қозғады.

Еске салайық, 2024 жылғы 14 қазанда "Ирина Кайратовна" тобының Астанадағы концертінде мобилограф қайтыс болған болатын. Дәрігерлердің айтуынша, оның өлімнің алдын ала себебі - жедел геморрагиялық панкреатикалық некроз.