«Қазгидромет» Астана мен тағы бірнеше қаланың тұрғындарына ескерту жасады

Синоптиктер 2026 жылғы 5 қарашада Қазақстанның бірнеше қаласында ауа сапасы нашарлайтынын ескертті, деп хабарлайды Zakon.kz.

"Қазгидромет" мәліметінше, 5 қарашада Қарағанды, Жезқазған, Балқаш, Теміртау, Алматы және Павлодар қалаларында, ал түнде Астана мен Талдықорған қалаларында қолайсыз метеорологиялық жағдайлар күтіледі.

Қолайсыз метеорологиялық жағдайлар (ҚМЖ) – атмосфералық ауаның жерге жақын қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (желсіздік, баяу жел, тұман, инверсия) үйлесімі.

Сондай-ақ "Қазгидромет" мамандары дауылды ескерту жариялады. Еліміздің кейбір өңірлерінде -3°С-қа дейін үсік түсіп, қар жауып, шаңды дауыл соғуы мүмкін.