Қазақстанға 19 желтоқсанда қарлы боран жақындайды

"Қазгидромет" синоптиктері 2025 жылғы 19 желтоқсанға арналған ауа райы болжамын ұсынды, деп хабарлайды Zakon.kz.

Метеорологтардың мәліметінше, елімізге солтүстік-батыс циклоны әсер етіп, қар мен боран алып келеді.

Мамандардың айтуынша, 19 желтоқсанда Қазақстанның басым бөлігінде ауа райын солтүстік-батыс циклоны және оған байланысты атмосфералық фронтальды жүйелер айқындайды.

"Қар жауып, боран соғады, елдің батысында жаңбыр мен қар аралас жауын-шашын күтіледі", - делінген "Қазгидромет" баспасөз қызметінің хабарламасында.

Сондай-ақ республика аумағында тұман түсіп, көктайғақ болып, жел күшейеді деп болжануда.