Қазақстандықтар Конституция күніне орай қалай демалатыны белгілі болды

Қазақстанда 30 тамызда Қазақстан Республикасының Конституциясы күні атап өтіледі, деп хабарлайды Zakon.kz.

2025 жылы бұл мереке сенбіге сәйкес келеді.

Сәйкесінше, демалыс күні 30 тамыз сенбіден дүйсенбі, 1 қыркүйектің бірінші жұмыс күніне ауыстырылды.

Осылайша, қазақстандықтар Конституция күні былай демалатын болады:

• бес күндік жұмыс аптасымен – үш күн қатарынан: 30, 31 тамыз және 1 қыркүйек (сенбі, жексенбі, дүйсенбі);
• алты күндік жұмыс аптасымен – екі күн: 30 және 31 тамыз (сенбі, жексенбі).

Тамызда барлығы:

• бес күндік жұмыс аптасында – 21 жұмыс күні және 10 демалыс күні;
• алты күндік жұмыс аптасында – 25 жұмыс күні және 6 демалыс күні.