Қазақстан Үкіметі қауіпті вирусқа қарсы вакцина сатып алуға 9,7 млрд теңге бөлді
![](https://mail.kz/images/30cc2f18d404d888fe93ff766b08aa7b-slider.jpg)
© Сурет: pixabay
Үкімет адам папилломасы вирусына (АПВ) қарсы вакцина сатып алуға және Қазақстанда аталған екпе жұмысын жүргізуге резервтен қаражат бөлді. Тиісті қаулыға ҚР Премьер-Министрі Олжас Бектенов қол қойды.
Облыстардың, республикалық маңызы бар қалалардың және астананың бюджеттеріне 351 мыңнан астам дозасы мөлшерінде вакцина сатып алу үшін ағымдағы нысаналы трансферттер түрінде 9,7 млрд теңгеден астам қаражат аударылады.
Адам папилломасы вирусынан туындаған жатыр мойны обыры (ЖМО) – әлемдегі ең көп таралған қатерлі ісіктердің бірі, ол анықталған барлық жағдайдың құрылымында 13,1%-ға дейін кездеседі. Жыл сайын одан 300 мыңға жуық әйел көз жұмады. Қазақстанда ЖМО барлық жастағы әйелдер арасында қатерлі ісіктің басқа түрлері ішінде таралуы бойынша екінші орында тұр. Жыл сайын республика бойынша 1900-ге жуық жаңа жағдай тіркеледі, 600-ден астам әйел осы патологиядан қайтыс болады.
АПВ-на қарсы және ЖМО дамуымен күресудің жалғыз әдісі – вакцинация. ҚР Ұлттық вакцинация күнтізбесіне сәйкес және ДДҰ ұсынымын ескере отырып, АПВ-ға қарсы екпе салу 11 жастағы қыздарға 6 ай аралық мерзіммен екі рет жүргізілетін болады. Бұл ретте Қазақстанда АПВ-ның неғұрлым онкогенді түрлерінен (6, 11, 16, 18) қорғайтын төрт валентті вакцина қолданылады.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
18:08, 22 маусым 2024
Астанадағы өрт: ТЖМ тұрғын үй кешенінде оттың таралу қаупі жойылғанын мәлімдеді
-
17:54, 22 маусым 2024
Садақ атудан Әлем кубогі: Қазақстан құрамасы алтын медаль иеленді
-
17:37, 22 маусым 2024
Түркістан облысының тұрғыны желідегі жазбасы үшін айыппұл төлейтін болды
-
17:14, 22 маусым 2024
Юлия Путинцева алғаш рет WTA турнирінің финалына шықты
-
17:09, 22 маусым 2024
«Аптап ыстық, жаңбыр, бұршақ». Еліміз бойынша 23 маусымға арналған ауа райы болжамы