Ақтауда бүтін бір ықшам аудан қоршауға алынған – полиция түсініктемесі

15:06, 22 маусым 2024

© Сурет: pxhere

Ақтау қаласының тұрғындары 21-22 маусым аралығында жол полицейлерінің көлік жүргізушілерін жаппай тексеруіне алаңдаулы, деп хабарлайды Zakon.kz.

Қала тұрғындары 21-інен 22 маусымға қараған түні 7 ықшам ауданды құқық қорғау органдары толықтай қоршауға алғанын айтуда. Аталған жағдайға қатысты Маңғыстау облыстық ПД түсініктеме берді, деп жазады жергілікті "Лада" басылымы.

"Мұның себебін білетіндер бар ма? Ықшам ауданға кіріп-шыққандардың барлығының жүк салғышы мен салонын еш себепсіз тексеріп жатыр", - деген жүргізушілердің бірі басылымның тілшісіне.

Маңғыстау облысының полиция департаменті қазіргі уақытта қаланың барлық ықшам аудандарында "Құқықтық тәртіп" жедел-профилактикалық іс-шарасы пысықталып жатқанын нақтылады. Шара барысында құжаттарға, сондай-ақ қару мен есірткінің бар-жоғына тексеру жүргізіледі. Жүргізушілермен профилактикалық әңгіме жүргізіледі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!