Hamster Kombat ойыны: Алаяқтар адамдарды алдаудың тағы бір жаңа тәсілін тапты

Мемлекеттік техникалық қызмет (МТҚ) танымал Hamster Kombat ойынында алаяқтық әрекеттер дерегінің көбейгенін ескертті, деп хабарлайды Zakon.kz.

Hamster Kombat басқа крипто ойындар сияқты ойын әрекеттерінен ақша табу мүмкіндігінің арқасында Telegram және басқа да платформаларды пайдаланушылар арасында танымал бола бастады. Алайда, осы ойындарға деген қызығушылықтың артуымен бірге криптовалюта саласына енді түрен салушыларға бағытталған алаяқтық схемалардың саны да артып келеді.

"Hamster Kombat шамамен 100 миллион ойыншыны тартты делік. Ойында пайдаланушылар криптовалюта биржаларының бас директорлары ретінде әрекет ететін хомяктарды басқарады. Ойынның негізгі механизмі - әр басқан сайын виртуалды монеталар табуға мүмкіндік беретін шертпе. Сонымен қатар, ойын белсенді және пассивті табыс үшін жаңарту мен жақсартуларды қоса алғанда әртүрлі механиканы ұсынады. Алаяқтық схемалар, МТҚ-ның хабарлауынша, алаяқтар Telegram-дағы аккаунттарды бұзып, танымал ойынды бастау үшін ботпен фишингтік парақшаға өтуді ұсынады", делінген хабарламада.

Сондай-ақ ойынды жүктеу кезінде шабуылдаушылар пайдаланушының профилін иеленіп алатыны ескертіледі.

"Сондай-ақ олар ойында тапқан барлық қаражат крипто биржалар жобасының ресми листингінен кейін криптовалютаға айналады деп уәде береді. Алайда, листингтің нақты күні белгісіз болып қалады, ал нақты сату шарттары мен ішкі монетаның құны жария етілмейді. Мемлекеттік техникалық қызмет пайдаланушыларға осындай ойындарға қатысу және Telegram-дағы бейтаныс боттар мен сілтемелермен өзара әрекеттесу кезінде мұқият және сақ болу керектігін ескертеді". МТҚ баспасөз қызметі

Айта кетсек, алаяқтар Instagram әлеуметтік желісінде national_bank_kazakhstan деген жалған парақша ашқан. "Осы секілді фейк-парақшаларды ашу арқылы алаяқтар фишингтік хаттар жіберуден бастап азаматтардың жеке деректерін немесе қаражаттарын жымқыруды көздейтін түрлі жымысқы әрекеттерге барады" деп ескертеді Ұлттық банктің баспасөз қызметі.