FlyArystan рейстерінде 7 мамырдан бастап power bank тасымалдау ережелері өзгереді: жолаушылар нені білуі керек

Бүгін, 2026 жылғы 4 мамырда FlyArystan әуекомпаниясының баспасөз қызметі ұшақтарда қосалқы аккумуляторларды тасымалдауға қатысты маңызды жайттарды мәлімдеді, деп хабарлайды Zakon.kz.

Белгілі болғандай, қосалқы аккумуляторларды (power bank) тасымалдау ережелеріне өзгерістер енгізілген.

"7 мамырдан бастап Қазақстанның авиациялық әкімшілігінің талаптарына сәйкес FlyArystan әуекомпаниясының рейстерінде қосалқы аккумуляторларды (power bank) тасымалдау ережелеріне өзгерістер енгізілетінін хабарлаймыз",- делінген мәліметте.

Қосалқы аккумулятордың сыйымдылығына байланысты:

• 100 Вт/сағ-қа дейін – рұқсатсыз тасымалдауға рұқсат етіледі;
• 100-ден 160 Вт/сағ-қа дейін – тасымалдаушының рұқсаты болған жағдайда ғана тасымалдауға рұқсат етіледі;
• 160 Вт/сағ-тан жоғары – тасымалдауға тыйым салынады.

Маңызды: бір жолаушыға 2 (екі) қосалқы аккумуляторды тасымалдауға рұқсат етіледі.

"Сонымен қатар, қосалқы аккумуляторды тек қолжүкте тасымалдауға рұқсат етілетінін, ал әуе кемесінің бортында оларды зарядтауға және пайдалануға тыйым салынатынын еске саламыз. Аккумуляторлар қысқа тұйықталудан қорғалған болуы тиіс",- деп мәлімдеді ведомство.

Бұған дейін Қазақстанда бұқа экспортына салынған тыйым тағы 6 айға ұзартылғанын жазғанбыз.