Әмір Омарханов Уимблдонның жартылай финалында сәтсіз өнер көрсетті

22:43, 11 шілде 2025

© Сурет: ktf.kz

Қазақстандық теннисші Әмір Омарханов ресейлік Егор Плешивцевпен тізе қоса, Уимблдон-2025 жасөспірімдер турнирінің жұптық сынында жартылай финалда өнер көрсетті, деп хабарлайды Zakon.kz.

Жартылай финалда Омарханов пен Плешивцев финляндиялық Оскари Палданиус пен поляк Алан Важныға қарсы ойнап, үш сет қорытындысы бойынша жеңіліс тапты. Есеп: 4:6, 6:4, 5:10.

Кездесу 1 сағат 17 минутқа созылды.

Осылайша, Әмір Омарханов пен Егор Плешивцев Уимблдондағы жарыс жолын аяқтады. Ал Оскари Палданиус пен Алан Важны финалға жолдама алып, келесі кезеңде Оливер Бондинг (Ұлыбритания) / Джаггер Лич (АҚШ) және Мик Роттгеринг / Хидде Шенмакерс (Нидерланд) жұбы арасындағы жеңімпазбен кездесетін болады.

Бұған дейін қазақстандық жас теннисшінің Уимблдон турнирінің ширек финалында өнер көрсететінін жазғанбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!