Әлем чемпионатына қатыспауды жөн санаған Никола Йокич Отанында «шайқап жүр»

Әлем чемпионатына қатыспауды жөн деп тапқан Денвер Наггетс пен Сербия құрамасының шоқ жұлдызы Никола Йокич өз Отанында уақытын тамаша өткізуде. Желіде спортшының Сербиядағы танымал әншінің концертінде көңіл көтеріп, би билеген сәтінің видеосы пайда болды, деп хабарлайды Zakon.kz.

Айта кетсек, Никола Йокич 2023 жылғы Ұлттық баскетбол қауымдастығының (НБА) соңғы плей-офф сериясының MVP ретінде танылған. "Денвер Наггетс" финалда "Майами Хитті" ұтып кетіп, тарихтағы алғашқы титулын жеңіп алды.

Баскетболдан әлем чемпионаты Жапонияда, Индонезияда және Филиппинде өтіп, 10 қыркүйекте аяқталады.

Сербия Филиппинде топтық кезеңдегі матчтарын өткізеді. Сербияның қарсыластары Қытай, Оңтүстік Судан және Пуэрто-Рико болмақ.