Бублик 15 эйс орындап, ATP 250 турнирінің жартылай финалына өтті

9 қаңтарда Гонконгтағы ATP 250 турнирінің ширек финал кезеңіндегі көптеген матчтар өтті. Солардың бірі Қазақстанның ең мықты теннисшысы Александр Бублик үшін сәтті аяқталды, деп хабарлайды Zakon.kz.

Әлемдік рейтингте 11-орынды иеленетін Бубликтың қарсыласы ретінде 20 жастағы жергілікті талант Шан Цзюньчэн шықты. Ұйымдастырушылар жас ойыншыға Wild card берген.

Қазір ATP рейтингінде 406-орында тұрған жас қытайлық теннисші жанкүйерлер мен мамандардың үмітін ақтап, турнирде екі айналымнан өтті.

Алайда жартылай финалға жолдамаға талас кезінде ол Қазақстан құрамасының көшбасшысы Александр Бубликке қарсы шыға алмады. Бублик бірінші партияны жеңіл 6:1 есебімен алды, кейін жергілікті жанкүйерлерді қуантуды ойлап, қарсыласына мүмкіндік берді, және жас қытайлық оны лайықты түрде пайдаланды.

Бублик жас қарсыласымен ойнап, кездесуді тай-брейкке жеткізді де, оны 7:2 есебімен аяқтады. Бүкіл матч барысында біздің теннисші 15 рет эйс орындады.

Бубликтің жартылай финалдағы қарсыласы соңғы «үздік сегіздік» ойыны аяқталған соң белгілі болады. Сол кездесуде америкалық Маркос Жирон мен Михаэль Ммо бір-бірімен ойнайды.