Блогер Дархан Жолшыбеков алиментті аз төлеу үшін жалақысын 70 мың теңге деп көрсеткен

18:15, 22 мамыр 2024

© Сурет: instagram.com/darhanzholshybekov

Қазақстандық танымал блогер Дархан Жолшыбеков баласына алиментті аз төлеу үшін жалақысын 70 мың теңге деп көрсеткен, деп хабарлайды Zakon.kz Алматы сотының баспасөз қызметіне сілтеме жасап.

С. Алматының кәмелетке толмағандардың істері жөніндегі мамандандырылған ауданаралық сотына баланың әкесі Дархан Жолшыбековтің танымал блогер бола тұра, басқа да табыстары болса да, 20 мың теңге алимент төлейтіні туралы уәжбен жүгінген.

Сот бұрын сот шешімімен Жолшыбековтің кәмелетке толмаған баласы А-ға қатысты әке болуы белгіленіп, оның тапқан табысының және (өзге) табысының ¼ бөлігі мөлшерінде алимент өндірілген.

Істі қарау барысында баланың әкесі Дархан Жолшыбеков жалақысы 70 000 теңге көлемін құрайтыны туралы анықтама ұсынған.

Осы орайда, банк анықтамаларынан Дархан Жолшыбековтің есепшотында қомақты ақша қаражаттары бар екені, қымбат заттар сатып алатыны, туризм және демалыс мақсатында республикадан тыс жерлерге жиі шығатыны анықталды.

"Сот іс бойынша анықталған мән-жайларды, оның ішінде жауапкердің басқа да кірістерін ескере отырып, баланың мүддесін ескере отырып, Жолшыбековтен талап қоюшы С.-ның пайдасына 30 АЕК тұрақты сомада алимент өндіру туралы шешім қабылдады", - деп хабарлады Алматы сотының баспасөз қызметі.

Сот шешімі заңды күшіне енген жоқ.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!