БҚО: тасқыннан зардап шеккендерге баспана салу басталып кетті
![](https://mail.kz/images/f66c68498fbfdebc0d93a0cc3952dc8c-slider.jpg)
© Сурет: Батыс Қазақстан облысы әкімдігінің баспасөз қызметі
Тасқын судың беті қайтқан соң оның зардабымен күресу, шығынның қалпын келтіру жұмыстары жүріп жатыр
Подстепный ауылдық округінде суға кеткен тұрғындарына кезең-кезеңімен көмек беру жүзеге асуда.
Қазір халыққа керегі - баспана. Әрбір жерде тентіреген тұрғындардың талабы да сол "тезірек баспана салып берсе екен" болып отыр.
Мемлекет басшысы Қасым-Жомарт Кемелұлы "Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. Материалдық шығындар толық өтеледі" деп бірқатар тапсырмалар берген болатын. Қазіргі таңда комиссия шешімімен апатты деп танылған үйлер құлатылып, орнына жаңа үй салу жұмыстары басталды. Сондай-ақ ішкі әрлеу жұмысын қажет ететін үйлер бар. Оның бәрін қалпына келтіру уақытты талап етеді.
![Батыс Қазақстан облысы , сурет - Zakon.kz жаңалық 23.05.2024 17:50](https://kaz.zakon.kz/pbi/WEBP/2024-05-23/file-e1aafb3d-b01f-4bee-ab7c-ce06c06e931e/800x450.webp)
Сурет: Батыс Қазақстан облысы әкімдігінің баспасөз қызметі
Сол тапсырмаларға сәйкес, Подстепный ауылдық округінде тұруға жарамсыз деп танылған 98 үй бұзылатын болды. Орнына 80 метр квадратты құрайтын жаңа үй салынады. Қазіргі уақытта аталмыш ауылда құрылыс қарқын ала бастады.
![БҚО: тасқыннан зардап шеккендерге баспана салу басталып кетті, сурет - Zakon.kz жаңалық 23.05.2024 17:50](https://kaz.zakon.kz/pbi/WEBP/2024-05-23/file-228fab54-ebfa-4781-b698-36474ec3f1fd/800x533.webp)
Сурет: Батыс Қазақстан облысы әкімдігінің баспасөз қызметі
Тұрғын үй салу жұмыстарын "Отделстрой", "СВС Батыс", "Атамекен Инвест", "CHRYSTAL GENERATION LTD", "ГрадИндҚұрылыс", "BETA Servicom", "Batys Kurylys Servicom" сынды бірнеше құрылыс компаниялары жүргізеді.
Аудан әкімі Әлия Мұханбетжанова мердігерлермен кездесіп, тұрғын-үй барысын қарады.
![БҚО: тасқыннан зардап шеккендерге баспана салу басталып кетті, сурет - Zakon.kz жаңалық 23.05.2024 17:50](https://kaz.zakon.kz/pbi/WEBP/2024-05-23/file-791d2ea4-efbb-4f01-ad81-27e40ce6ba28/800x533.webp)
Сурет: Батыс Қазақстан облысы әкімдігінің баспасөз қызметі
Құрылыс басында болып Подстепный ауылы тұрғандырымен тілдескен болатынбыз. Ол жандардың ішінде рақмет айтып жатқандары да, көңілі толмай, жасалып жатқан жұмыстарды жоққа шығарып жатқандары да бар.
![БҚО: тасқыннан зардап шеккендерге баспана салу басталып кетті, сурет - Zakon.kz жаңалық 23.05.2024 17:50](https://kaz.zakon.kz/pbi/WEBP/2024-05-23/file-48f763cc-419c-43db-9458-26422901af33/800x1067.webp)
Сурет: Батыс Қазақстан облысы әкімдігінің баспасөз қызметі
Солардың бірі Подстепный ауылына қоныс тепкеніне жиырма жылға жуық уақыт болған Неғметолла Жалмұратовтың үйі де апатты деп танылған.
"Наурыз айының соңында тұрғын үйіміз суға кетті. Комиссия шешімімен үйді бұзып, орнына жаңа үй салып беретінін айтты. Қазір жерді тегістеп жатыр. Бір-екі күнде үй іргесі құйылады. Алла қаласа, күзде жаңа баспанамызға кіреміз деген ойымыз бар. Қазіргі уақытта құрылыс қарқыны жақсы. Мердігерлер күзге дейін үйді толық аяқтап, кілтін табыстаймыз деп отыр. Онысы дұрыс. Тентіреп жүрген халық өз баспанасына тезірек орналасса екен дейміз". Неғметолла Жалмұратов
Жауһар Нұрым
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:56, 7 қыркүйек 2024
Ертең Астанада Жансүгіров көшесіндегі жол учаскесі бір тәулікке уақытша жабылады
-
17:39, 7 қыркүйек 2024
Қырғызстанда «Киборг» лақап атымен танымал қылмыс әлемінің мүшесі ұсталды
-
17:18, 7 қыркүйек 2024
Паралимпиада-2024: Раушан Қойшыбаева төртінші орын алды
-
16:42, 7 қыркүйек 2024
Маңғыстау облысында бір топ оқушы астан жаппай уланды
-
16:23, 7 қыркүйек 2024
GRECO Қазақстандағы сыбайлас жемқорлыққа қатысты алғаш рет баяндама жариялады