Паралимпиада-2024: Раушан Қойшыбаева төртінші орын алды

17:18, 7 қыркүйек 2024

© Сурет: ҚР Туризм және спорт министрлігінің баспасөз қызметі

7 қыркүйекте пара пауэрлифтингтен 73 келіге дейінгі салмақ дәрежесінде өнер көрсеткен Раушан Қойшыбаева Париждегі 2024 жылғы Паралимпиадада төртінші орынды иеленді. Осылайша ол қатарынан екінші рет медаль тұғырына бір қадам қалғанда іркілуге мәжбүр болды, деп хабарлайды Zakon.kz.

117 келі болатын штанганы көтерген Раушанның екінші әрекеті есепке алынды. Үшінші ұмтылысы (123) сәтсіз аяқталды. Қазақстан төртінші орынға ие болды. Алтын медальды бразилиялық Мариана Д ' Андреа (148) жеңіп алды, ол Паралимпиада рекордын орнатты. Күміс медаль өзбекстандық Руза Кузиеваның (147), ал қола медаль түркиялық Сибель Кэмнің (120) еншісіне бұйырды.

Қойшыбаеваның бұл - қатысып жатқан үшінші Паралимпиадасы, алдында ол 67 келіге дейінгі салмақ дрежесінде өнер көрсетіп келді. Рио-2016-да ол күміс жүлдегер атанды, Токио-2020 ойындарында төртінші орын алды. 2024 жылы Паралимпиадада Қойшыбаева ұлттық команданың егде жастағы спортшылары қатарына кірді. Тек жүзуші Зүльфия Ғабидуллина ғана одан бірер жас үлкен

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!