Дзюдо, каноэ, пауэрлифтинг: 7 қыркүйекте өнер көрсететін отандық спортшылар тізімі

Сенбіде, 7 қыркүйекте қазақстандық спортшылар Паралимпиада ойындарында үш спорт түрінен бақ сынайды, деп хабарлайды Zakon.kz.

ҚР Туризм және спорт министрлігінің баспасөз қызметінің хабарлауынша, бүгін Парижде отандық тоғыз паралимпиадашы өнер көрсетеді.

Көбісі пара дзюдода өз күштерін сынайды. Мұндағы бес спортшының бірі жалғыз әйел – Зарина Райфова. 33 жастағы Атырау қаласының тумасы 70-тен аса салмақ дәрежесінде Қазақстан намысын қорғайды. Райфова - дзюдо және самбодан ҚР спорт шебері, 2023 жылғы Азия пара ойындарының күміс жүлдегері.

6 қыркүйекте дзюдошылар Қазақстанның қоржынын екі медальмен толықтырды. Бірі - 57 келі салмақта пара дзюдодан қола медаль иеленген Даяна Федосова, тағы бірі - пара дзюдодан 73 келі салмақ дәрежесінде күміс медаль ұтқан Ерғали Шамей.