«Барселона» қатарынан жеті матчта жеңіске жетіп, жылды Ла Лиганың көшбасшысы ретінде аяқтады

Каталониялық "Барселона" футбол клубы қатарынан жетінші жеңісіне қол жеткізді. Соңғы ойында команда Испания чемпионатының 17-туры аясында сырт алаңда "Вильярреалды" 2:0 есебімен жеңді, деп хабарлайды Zakon.kz.

21 желтоқсанда "Эстадио де ла Серамика" стадионында өткен кездесуде Ханси Флик жаттықтыратын ұжым алаң иелерінің қақпасына жауапсыз екі гол соқты.

Бразилиялық Рафинья есепті 12-минутта пенальтимен ашты. Ал екінші таймда Ламин Ямаль өздерінің басымдығын екі есеге арттырды.