Астанадағы Алаш тас жолының бір бөлігі 29 мамырға дейін жабылады

15:52, 24 мамыр 2025

© Сурет: Zakon.kz

Астана тұрғындары мен қонақтарына Алаш тас жолының бір бөлігінде қозғалыс шектелетіні туралы ескертілді, деп хабарлайды Zakon.kz.

Қалалық көлік және жол-көлік инфрақұрылымын дамыту басқармасының мәліметінше, 25 мамырдан 29 мамырға дейін Алаш тас жолының 191-көшеден 69-көшеге дейінгі бөлігі ішінара жабылады.

"Аталған уақытта бұл аумақта орташа жөндеу жұмыстары жүргізіледі. Осыған байланысты көлік қозғалысы екі бағытта кезең-кезеңімен жолдың бір жағымен ұйымдастырылады", – делінген хабарламада.

Жүргізушілер мен жаяу жүргіншілерге өз бағыттарын алдын ала жоспарлап, қозғалыстағы мүмкін өзгерістерді ескеру ұсынылады. Қауіпсіздікті қамтамасыз ету және қолайсыздықтарды азайту үшін уақытша жол белгілері мен көрсеткіштер орнатылады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!