Астанада полицейлер электросамокаттардың жаңа «тұрағын» көрсетті

Бүгін, 2025 жылдың 9 қыркүйегінде, Астана қалалық полиция департаментінің баспасөз қызметі электросамокаттар қойылған арнайы орынды көрсетіп, мәлімдеме жасады, деп хабарлайды Zakon.kz.

Аталған самокаттар — белгіленбеген жерлерге қойылған көліктер. Полиция қызметкерлері оларды анықтап, эвакуациялау жұмыстарын жүргізіп жатыр.

Посмотреть эту публикацию в Instagram

Публикация от Астана Қаласының Полиция Департаменті (@police__astana)

"Тротуарларға, көгалдарға және басқа да арнайы бөлінбеген жерлерге тасталған электросамокаттар жаяу жүргіншілердің қозғалысына кедергі келтіреді және қауіп тудырады. Жол қозғалысы ережелеріне сәйкес, мұндай көлік құралдары коммуналдық арнайы тұраққа эвакуацияланады", – деп нақтылады Астана қаласы ПД баспасөз қызметі.

Сурет: Астана қаласы Полиция департаменті

Сондай-ақ полиция өкілдері ережені бұзғаны үшін жауапкершілік электросамокаттардың иелеріне – кикшеринг компанияларына жүктелетінін, және олар заң аясында жауапқа тартылатынын атап өтті.

Бұған дейін Қазақстанда жүргізуші куәлігін алғысы келетіндерге маңызды ескерту жасалғанын жазғанбыз.