Астана әуежайында мас жолаушы бірден төрт бап бойынша әкімшілік жауапқа тартылды
© Фото: pexels
Астана әуежайында масаң күйдегі жолаушы ұсталған кезде полицейлерге қарсылық көрсетті, деп хабарлайды Zakon.kz.
Астана әуежайындағы желілік полиция бөлімінің қызметкерлері Новосибирск – Астана бағытындағы әуе рейсінің 34 жастағы жолаушысын анықтап, ұстады.
Ұшақтың ұшуы кезінде мас күйде болған ер адам өзін дөрекі ұстап, әуекомпания қызметкерлеріне балағат сөздер айтқан, бортсеріктердің ескертулеріне де құлақ аспаған. Бұған қоса, мән-жайды анықтау барысында ол тәртіп сақшыларының заңды талабына бағынбаған.
Құқық бұзушы ұсталып, полиция бөлмесіне жеткізілді. Ұсталған азамат ӘҚБтК-нің төрт бабы бойынша әкімшілік жауапкершілікке тартылды; қоғамдық орындарға масаң күйінде келгені, ұсақ бұзақылық жасағаны, құқық қорғау органы қызметкерінің заңды талабына бағынбағаны және әуе кемесінде мінез-құлық қағидаларын бұзғаны үшін әкімшілік хаттама толтырылып, 8 АЕК мөлшерінде айыппұл салынды. Ұсақ бұзақылық пен бағынбау бойынша материалдар шешім қабылдау үшін сотқа жолданды.
Естеріңізге сала кетейік, жыл басынан бері көліктегі полиция департаментінің қызметкерлері түрлі әкімшілік құқық бұзушылықтар жасағаны үшін 71 283 құқық бұзушыны анықтап, жауапқа тартты. Оның ішінде қоғамдық орындарға масаң күйінде келгені үшін 5624 жолаушы, ұсақ бұзақылық жасағаны үшін 586 азамат, құқық қорғау органы қызметкерінің заңды талабына бағынбағаны үшін 75 адам болған.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:12, 22 қазан 2024
15 минутқа 500 теңге: Ақтау әуежайындағы тұрақтардың бағасы тексеріледі
-
13:02, 22 қазан 2024
Талғар уақытша ұстау изоляторыннан қашып кеткен күдіктіге іздеу жарияланды
-
12:51, 22 қазан 2024
Алматы мен Астанадағы айырбастау пункттеріндегі 22 қазандағы валюта бағамдары
-
12:38, 22 қазан 2024
Көкшетауда полицейлер автокөлік ұрлығын жедел ашты
-
12:27, 22 қазан 2024
Бір отбасына 4,28 млн теңгеге дейін: атажұртқа оралған қандастарға қандай көмек көрсетіледі