Анна Данилина Румынияда өткен турнирде топ жарды

Бүгіндері Яссы қаласында (Румыния) WTA 250 турнирі өтіп жатыр. Қазақстан теннисшісі Анна Данилина турнирдің финалында жұптық сында өнер көрсетті , деп хабарлайды Zakon.kz.

Шешуші матчта қазақстандық теннисші ресейлік Ирина Хромачевамен бірге ресейлік Александра Панова – Яна Сизикова жұбын тізе бүктіріп, бас жүлдені иеленді. Есеп: 6:4, 6:2.

1 сағат 17 минутқа созылған бәсеке барысында қазақстандық жұп 13 брейк-пойнттың бесеуін мүлт жібермеді.

Қарсыластары 1 эйс, 2 брейкпен шектелді.

Бұл - Аннаның WTA турнирлеріндегі жұптық сындағы сегізінші олжасы. Бұған дейін ол Сиднейде (WTA500), Оклендте (WTA 250), Гамбургте (WTA 250), Варшавада (WTA 250), Гданьскіде (WTA 250) және Италияда өткен 125 санатындағы екі турнирде жеңіске жеткен.