Алматыда магистральды көшелердің жарықтандыру жүйесі жаңартылды

Алматыда негізгі магистральдардағы сыртқы жарықтандыру желілерінің 45 шақырымы жөнделді, деп хабарлайды Zakon.kz.

Қала әкімдігінің ақпаратынша, жөндеу барысында зақымдалған шамдар ауыстырылып, жаңа кабельдер тартылды.

"Тек қазан айында Достық, Рысқұлов, әл-Фараби даңғылында, сондай-ақ Керей-Жәнібек хандар, Бұқтырма, Майлин көшелерінде және ШААЖ-да 700-ге жуық істен шыққан шам ауыстырылды". Алматы қаласы әкімдігі

Сондай-ақ:

• Әл-Фараби даңғылындағы тоннельдер мен көпірлерде 100% жарықтандыру қамтамасыз етілді;
• 220 жаңа жарықдиодты прожектор орнатылды.

Жыл басынан бері қалада 30 мыңнан астам жарық шам ауыстырылып, 300 шақырымнан астам кабель тартылды.

"Барлық жұмыс көшелер санатына сәйкес жарықтандыру стандартына сай орындалып, қала тұрғындарының қауіпсіздігі мен жайлылығын қамтамасыз етеді",- делінген әкімдік ақпаратында.

Бұған дейін Алматыда "Медеу" БСК-ға дейінгі жол 14 жылда алғаш рет жөнделтіндігі хабарланған болатын.