Алматыда лифтінің алдында бұрынғы әйелін аяусыз ұрып-соққан ер адам қамауға алынды

Алматыда ер адам лифтінің алдында бұрынғы әйелін ұрып-соққан. Оның бұл әрекеті бейнебақылау камерасына түсіп қалған, деп хабарлайды Zakon.kz.

Ер адам бұрынғы әйелін ұрып жатқанда тағы екі адам болған. Олардың біреуі әуеліде ер адамды ажыратуға тырысады, бірақ кейін жағдайды сырттай бақылауға көшкен.

Алматы полиция департаменті бұл оқиғаға қатысты қылмыстық іс қозғалғанын хабарлады.

"Бұзақылық дерегі бойынша қылмыстық іс қозғалды. Күдікті ұсталды және ПД-нің уақытша ұстау изоляторына қамалды", - делінген хабарламада.