Алматыда қар мен аяз қаңтардың соңына дейін сақталады

Синоптиктер Zakon.kz сайтына алдағы аптада ауа райы қандай болатынын айтып берді. Алдын ала болжамға сәйкес, алдағы жеті күнде мегаполисте күндіз де, түнде де қайтадан қар жауып, аяз сақталады.

Бас инженер-синоптик Светлана Аманқұлованың айтуынша, сенбіге қараған түні қалада өтіп бара жатқан атмосфералық фронттың әсерінен аздаған қар жауады. Жалпы алғанда, демалыс күндері мен келесі аптаның басында жауын-шашынсыз ауа райы болжанып отыр. Осы күндері ауа температурасы біршама жоғарылайды: түнде –8-10°С-тан –5-7°С-қа дейін, күндіз –2-4°С-тан 0…+2°С-қа дейін.

"Сейсенбі күні Алматы облысының аумағына оңтүстік циклон ығысады. Алдымен ол аралас жауын-шашын — жаңбырдың қарға ұласуын әкеледі, ал сәрсенбі мен бейсенбі күндері қар жауады. Жұма күні жауын-шашынсыз ауа райы күтіледі. Ауа температурасы түнде –5–7°С-тан –10–12°С-қа дейін, күндіз 0…+2°С-тан –5–7°С-қа дейін төмендейді", – делінген "Қазгидромет" РМК мәліметінде.

Апта бойы қалада ылғалды ауа сақталады, соның салдарынан тұман мен көктайғақ қалыптасады.

"Түнгі уақытта бұл құбылыстар күшейіп, күндіз әлсірейді", – деп хабарлайды синоптик.

Алматы бойынша 2026 жылғы 24-30 қаңтарға арналған ауа райы болжамы:

24 қаңтар: көшпелі бұлтты, түнде аздаған қар. Кей уақыттарда тұман, жолдарда көктайғақ. Жел оңтүстік-шығыстан 3-8 м/с. Ауа температурасы түнде –10-12°С, күндіз –2-4°С.

25 қаңтар: көшпелі бұлтты, жауын-шашынсыз. Кей уақыттарда тұман, жолдарда көктайғақ. Жел оңтүстік-шығыстан 3-8 м/с. Түнде –8-10°С, күндіз 0…–2°С.

26 қаңтар: көшпелі бұлтты, жауын-шашынсыз. Кей уақыттарда тұман, жолдарда көктайғақ. Жел оңтүстік-шығыстан 3-8 м/с. Түнде –5-7°С, күндіз 0…+2°С.

27 қаңтар: көшпелі бұлтты, күндіз жаңбыр мен қар түріндегі жауын-шашын. Кей уақыттарда тұман түсіп, жолдарда көктайғақ болады. Жел оңтүстік-шығыстан 3–8 м/с. Түнде –5-7°С, күндіз 0…+2°С.

28 қаңтар: көшпелі бұлтты, кей уақытта қар жауады, тұман, көктайғақ. Жел оңтүстік-батыстан 3-8 м/с. Түнде –4-6°С, күндіз –1-3°С.

29 қаңтар: көшпелі бұлтты, кей уақытта қар жауады, тұман, көктайғақ. Жел батыстан 3-8 м/с. Түнде –7-9°С, күндіз –3-5°С.

30 қаңтар: көшпелі бұлтты, жауын-шашынсыз. Кей уақыттарда тұман, жолдарда көктайғақ. Жел солтүстік-батыстан 3-8 м/с. Түнде –10-12°С, күндіз –5–7°С.