Алматыда алғашқы қоңырау 2 қыркүйекке ауыстырылды

Алматыда 2024 жылдың 1 қыркүйегі мектеп оқушылары үшін демалыс күні болып жарияланып, алғашқы қоңырау дүйсенбі, 2 қыркүйекте өтеді, деп хабарлайды Zakon.kz.

Бұл туралы бүгін, 23 тамызда РСК-да өткен брифингте белгілі болды.

"1 қыркүйек біз үшін демалыс күні, балалар демалады. Ал 2 қыркүйекте бәріміз алғашқы қоңырауға барады", — деді Алматы қаласы әкімінің орынбасары Әсем Нүсіпова.

Өз кезегінде қалалық білім бөлімі басшысының орынбасары Айдын Сайлаубай мектеп оқушыларына арналған жиын 2 қыркүйекте өтетінін қосты.

"Қазір біз білім басқармасымен 1 қыркүйек демалыс күні болады, ал 2 қыркүйек күні таңертең 10-15 минуттық сап түзеп, алғашқы қоңырау болады деп жоспарлап отырмыз.Алматының барлық мектептерінде шамамен 10-15 минут болады", — деп нақтылады ол.

2024 жылдың 21 тамызында Қазақстанның Білім министрі Ғани Бейсембаевқа оқу жылының басталуы 2 қыркүйек дүйсенбіге ауыстырылуы мүмкін бе деген сұрақ қойылды, өйткені 1 қыркүйек жексенбіге сәйкес келеді. Білім министрлігінің басшысы: "Жоқ, көшіру болмайды" деп жауап берді.