2023-2024 оқу жылына арналған білім гранты иегерлерінің тізімі жарияланды

12:05, 5 тамыз 2023

© Сурет: pexels

ҚР Ғылым және жоғары білім министрлігінің ресми сайтында және әлеуметтік желілерінде 2023-2024 оқу жылына арналған білім гранты иегерлерінің тізімі жарияланды, деп хабарлайды Zakon.kz.

4 тамызда білім беру гранттарын анықтау жөніндегі комиссия өз жұмысын аяқтады.

Берілген гранттардың толық тізімімен Ұлттық тест-орталығының Telegram-арнасынан танысуға болады.

Гранттарды тағайындау конкурсына қатысу үшін 94 мың талапкер құжат тапсырды. Бұл - өткен жылмен салыстырғанда 14 мыңға артық аббитуриент.

Атап өтсек, биыл Мемлекет басшысы Қасым-Жомарт Тоқаевтың тапсырмасына сәйкес халық тығыз қоныстанған батыс және жаңадан құрылған өңірлердің жастары үшін гранттар бөлінді.

Педагогикалық, инженерлік, IT мамандықтарға және жаратылыстану ғылымдары бойынша Атырау облысына – 1500, Маңғыстау облысына – 1500, Ұлытау облысына – 300, Жетісу облысына – 300, Абай облысына – 500, Шымкент қаласына – 400, Түркістан облысына – 500 грант берілді.

Бір гранттық орынға ең үлкен конкурс "Стоматология" БББТ бойынша болды. Бұл мамандық бойынша 22 талапкер бір орынға таласты. Ары қарай "Халықаралық қатынастар және дипломатия" (14 адам), Құқық (11 адам), "Музыка мұғалімдерін даярлау", "Дене шынықтыру мұғалімдерін даярлау" және "Психология" (10 адамнан) болды.

Грантқа үміткерлер арасында балдар теңдігі жағдайында басым құқыққа ие болатын 20 мыңға жуық талапкер, олардың ішінде "Алтын белгі" иегерлері, халықаралық және республикалық олимпиадалардың жеңімпаздары, оқу үздіктері бар. Сондай-ақ, гранттарды үйлестіру барысында әлеуметтік осал санаттағы балалардың квоталары ескерілді.

Жоғары оқу орындарына құжаттарды тапсыру 25 тамызға дейін жүзеге асырылады.

Zakon.kz мемлекеттік білім беру гранттары иегерлерін құттықтайды!

Оқи отырыңыз

ДДСҰ Naturgold шәрбаты қауіпті екенін ескертеді. ҚР ДСМ түсінік берді

Қой шаруашылығы, Алакөл, тау шаңғысы: Смайылов кәсіпкерлермен қандай мәселелерді талқылады

Әлихан Смайылов пен Ираклий Гарибашвили Алматыда кездесу өткізді

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!