25 қазанда ХҚКО мен арнайы ХҚКО жұмыс істей ме

Қазақстанда ертең, 2024 жылғы 25 қазанда Республика күні атап өтіледі. Осыған байланысты Zakon.kz тілшісі осы күні Халыққа қызмет көрсету орталықтары, сондай-ақ арнайы ХҚКО-ның жұмыс кестесі қандай болмақ екенін зерттеді.

Толығырақ бізге бұл сұраққа "Азаматтарға арналған үкімет "мемлекеттік корпорациясы" КЕАҚ жауап берді.

"25 қазан Республика күніне байланысты ХҚКО мен мамандандырылған ХҚКО жұмыс істемейді. Кезекші халыққа қызмет көрсету орталығы үшін 26 қазан, яғни, сенбі жұмыс күні болып саналады. Олар 13:00-ге дейін жұмыс істейді",- делінген ақпаратта.

Посмотреть эту публикацию в Instagram

Публикация от ХҚКО • ЦОН • Госуслуги (@gov4c.kz)

Мемлекеттік мекеме ХҚКО мен мамандандырылған ХҚКО жұмыс күндері 09:00-ден 18:00-ге дейін жұмыс істейтіндігін еске салды. Сондай-ақ, кезекші ХҚКО мен мамандандырылған ХҚКО дүйсенбіден жұмаға дейін 20:00-ге дейін, сенбі күні 13:00-ге дейін азаматтарды қабылдайды.

Айта кетейік, бұған дейін қазақстандықтарға ХҚКО қызметкерін үйге шақыруға мүмкіндік беретін жаңа функция қосылғаны хабарланған болатын.