18 қазандағы саудада доллар тағы екі теңгеге арзандады

Қазақстан қор биржасында (KASE) 2024 жылғы 18 қазанда сағат 15:30-да шетел валюталары бойынша күнделікті сауда-саттық жабылды, деп хабарлайды Zakon.kz.

Сауда-саттықтың қорытындысы бойынша доллардың орташа сараланған бағамы тағы 2,09 теңгеге төмендеп, 485,04 теңге болды.

Юаньнің орташа сараланған бағамы да төмендеп, 68,17 теңгені (-0,16) құрады.

Ақша айырбастау орындарында доллар 482,9-485,9 теңгеге, еуро 523,5-528 теңгеге, ресей рублі 4,99-5,09 теңгеге сатылуда.

Бұл ретте 18 қазандағы аукционда мұнайдың әлемдік бағасы көтерілуде.

Осылайша, ICE Futures электрондық саудасында желтоқсан айындағы Brent фьючерстерінің құны 0,12%-ға өсіп, барреліне $74,54 құрады.

NYMEX электрондық саудасында қараша айындағы WTI мұнай фьючерстері барреліне 0,20%-ға қымбаттап, 70,81 долларды құрады.

Жалпы, апта басынан бері Brent маркалы мұнай 5,6%-ға, WTI 6,07%-ға арзандады.

Ұлттық банк таңертең доллар бағамын 487,24 теңге, еуроны 529,34 теңге, рубльді 5,02 теңге деп белгіледі.