Тоқаев Мажарстан президентімен кездесу үшін Шандор сарайына келді

Мемлекет басшысы Қасым-Жомарт Тоқаев 20 қарашада Мажарстан президентімен кездесу үшін Шандор сарайына келді, деп хабарлайды Zakon.kz.

Қасым-Жомарт Тоқаевты Мажарстан президенті Тамаш Шуйок қарсы алды.

"Бірге суретке түсу рәсімінен кейін Қазақстан президенті Құрметті қонақтар кітабына естелік жазба қалдырды", делінген Ақорда хабарламасында.

Бұған дейін Мажарстанға мемлекеттік сапармен келген Президент Қасым-Жомарт Тоқаевты Будапешт қаласындағы Король сарайының Арыстандар алаңында ресми қарсы алу рәсімі өткен болатын.