«Алаяқтар қаптап жүр!». Шетелден көлік алдыртатындарға ескерту жасалды

Қазақстандықтарға 2025 жылғы 11 шілдеде Корея мен Грузиядан әкелінетін көліктерге байланысты алаяқтық амалдары қолданылатыны ескертілді, деп хабарлайды Zakon.kz.

Танымал адвокат Жанна Оразбақованың айтуынша, соңғы уақытта Корея мен Грузиядан айдап әкелінетін автокөліктерге байланысты алаяқтық жағдайлары жиілеп кеткен.

"Адамдар автокөлікті жеткізіп беруге уәде беріледі, фотосуреттері, вин-коды көрсетіліп, тіпті келісімшарт та жасалады. Одан кейін көліктің "шекарада тұрып қалғанын" айтады, тағы бірде "қоймада тұр" немесе "кеденнен өткізбей жатыр" дейді. Сөйтіп түрлі сылтаумен ақша тарта береді: кедендік тазартуға, кәдеге жарату алымына, тіркеуге және т.б. үшін деп. Есіңізде болсын: келісімшарттың болуы - қауіпсіздіктің кепілі емес!", деп жазады адвокат өзінің Instagram-дағы парақшасында.

Оның айтуынша, алаяқтар көбінесе жалған келісімшарттарқа әдейі қол қояды, содан кейін "сотқа жүгіне беріңіз, бәрібір ақша жоқ – маған ештеңе істей алмайсың" деп жайбарақат қарап тұрады.

"Біздің команда осындай күрмеуі қиын істердің бірін Бостандық ауданының полиция басқармасымен және Бостандық ауданының прокуратурасымен үйлестірілген жұмыстың арқасында шеше алды", - дейді Оразбақова.

Ол тергеу аясында Кореядағы зауытқа ресми сауал жолданғанын, тіпті онда көлікке тапсырыс берілмегені анықталды.

"Полиция алаяқтың біздің клиентке видео арқылы шығып, көрсеткен көлігі басқа адамдар әлдеқашан сатылғанын және көлік айып тұрағына қойылғанын анықтады. Жалпы күш-жігердің арқасында біздің клиентке келтірілген залал өтелді, ал күдіктінің басқа да осындай қылмыстарға қатысы бар-жоғы тексеріліп жатыр", - деді адвокат.

Оның айтуынша, мұндай істер көбінесе жылдар бойы "жабулы" күйінде жата береді. Сондықтан Жанна Оразбақова мынандай кеңес береді:

• Көлікке кім арқылы тапсырыс беріп отырғаныңызды анықтап, тексеріңіз.
• Заңды жолмен тексерусіз ешқашан әлдекімге ақша аудармаңыз.
• Егер осындай жағдайға тап болсаңыз, қол жайып қарап отырмаңыз, заң көмегіне жүгініңіз.

Бұған дейін 32 жастағы Абай облысының тұрғыны алаяқтыққа қатысы бар деген күдікке ілінгенін жазғанбыз.