Audi өзінің ең үлкен кроссоверін таныстырды

29 шілдеде Германияның Audi автокөлік өндіруші компаниясы бренд тарихындағы ең ірі кроссовер – жаңа Q9 моделін таныстырды, деп хабарлайды Zakon.kz.

Жаңа Audi Q9 көлемі жағынан BMW X7 мен Mercedes-Benz GLS модельдерінен де үлкен. Компанияның ресми баспасөз хабарламасына сәйкес, көлікке ChatGPT жүйесі біріктірілген мультимедиялық кешен және бірқатар жаңа технологиялар орнатылған.

Негізгі нұсқасы 429 ат күшіне ие V6 қозғалтқышымен жабдықталған. Көлік 0-ден 100 км/сағ жылдамдыққа 4,9 секундта үдейді.

Сурет: audi

Жаңа модельдің ерекше мүмкіндіктері:

• артқы есіктер автоматты түрде ашылады және кедергіні анықтау арқылы қауіпсіздікті қамтамасыз етеді;
• бұрылыс көрсеткіштерінің жарығы жол бетіне проекцияланады;
• алдыңғы шамдар алдағы маневр туралы айналадағы адамдарға алдын ала ескерту жасайды.

Audi компаниясының мәліметінше, жаңа Q9 кроссоверінің сатылымы 2026 жылдың соңында басталады. Алғашқы болып бұл модель Еуропа нарығына шығарылады.

Бұған дейін Қытайда әйелдерге арналған жаңартылған электромобиль таныстырылғанын жазғанбыз.