Олаф Шольц Германияның жаңа канцлері атанды

Бүгін бундестаг Германияның жаңа үкіметін бекітті. Социал-демократиялық партия (SPD) жетекшісі Олаф Шольц Германияның жаңа канцлері атанса, жасылдар көшбасшысы Анналена Бербок сыртқы істер министрі болып тағайындалды, деп хабарлайды Zakon.kz.

Ол 1958 жылы 14 маусымда Оснабрюкте (Батыс Германия) тоқыма кәсібімен айналысушының отбасында дүниеге келген. 1978-1985 жылдары Гамбург университетінде құқық мамандығын меңгерген. Оқуды бітірген соң «Циммерман, Шольц және серіктестері» компаниясында адвокат болып қызмет атқарған. Еңбек құқығына маманданған.

2020-2021 жылдары коронавирус пандемиясы жағдайында экономиканы қолдау шараларын әзірлеуге қатысқан.

Standing Ovations zum Abschied für Angela Merkel, die auf der Tribüne sitzt - nur die AfD bleibt sitzen und klatscht nicht #Kanzlerwahl #Scholz @rponline #Kabinett pic.twitter.com/CJmzLJHaYm

— Tim Braune (@BrauneTim) December 8, 2021

Ол Германияда 16 жыл 15 күн канцлер болған Ангела Меркельдің орнын басты.