Германияда мектеп маңында есірткіні Kinder Surprise ішіне жасырып, оқушыларға таратқан ер адам ұсталды

Германияның Раттенберг қаласындағы орта мектеп маңында 40 жастағы ер адам Kinder Surprise ойыншықтарының ішіне есірткі жасырып мектеп оқушыларына таратып жүрген, деп хабарлайды Zakon.kz.

Kronen газетінің мәліметінше, мектеп әкімшілігі бұл әрекеттерді жастардың ортасына әдейі бағытталған деп есептеп отыр. Есірткілер көбіне автобус аялдамаларында, мектептерге жақын жерлерде тегін таратылуы мүмкін. Мұндағы мақсат – жасөспірімдерді ерте жастан тәуелді ету.

"Соңғы апталарда мектебіміз маңында есірткінің кеңінен таралуы бізді алаңдатып отыр. Бұған тек "бастапқы" деп саналатын вейп (электронды темекі), снюс сияқты заттар ғана емес, марихуана мен кокаин сияқты ауыр есірткілер де жатады", – делінген мектеп әкімшілігі ата-аналарға жолдаған хатта.

Полиция мәліметінше, күдікті 40 жастағы ер адам 13 жастағы мектеп оқушысына есірткі беріп жатқан кезде ұсталған. Қазіргі уақытта ол тергеу изоляторына қамалып, тергеліп жатыр. Қыздың ата-анасы оқиға бойынша ресми түрде арыз жазған. Алдын ала мәліметтерге сәйкес, сол оқушы ғана күдіктінің "қайырымдылық акциясының" құрбаны болған.

Бұған дейін Таиланд астанасының орталық көшесінде үлкен шұңқыр пайда болғанын жазғанбыз.