Аргентинада шенеуніктер мінген тікұшақ апатқа ұшырады

29 шілдеде Аргентинаның Сан-Хуан провинциясында Bell 412 тікұшағы апатқа ұшырады. Оның бортында жеті мемлекеттік қызметкер болған, деп хабарлайды Zakon.kz.

Қайғылы оқиға туралы Сан-Хуан провинциясының губернаторы Марсело Оррего өзінің X әлеуметтік желісіндегі парақшасында мәлімдеді. Апат салдарынан қаза тапқандар:

• Сан-Хуан провинциясының Азаматтық қорғаныс басқармасының директоры Карлос Эредиа;
• провинция полициясы бастығының орынбасары Герман Видела;
• өрт сөндіру қызметінің басшылары Рубен Кастро мен Хорхе Карбахаль;
• тікұшақ ұшқышы Матиас Валенсуэла;
• Төтенше жағдайлар жөніндегі федералдық агенттіктің қызметкерлері Андрес Бош пен Родриго Айметта.

Con profundo dolor recibimos la noticia del accidente de helicóptero ocurrido en nuestra provincia, en el que tristemente perdieron la vida siete personas. Entre ellas, Carlos Heredia, director de Protección Civil; el comisario general Germán Videla, subjefe de la Policía de San…

— Marcelo Orrego (@DrMarceloOrrego) July 29, 2026

Алдын ала мәлімет бойынша, Bell 412 тікұшағы орман өрттерін сөндіруге дайындық мақсатындағы оқу-жаттығу жұмыстарына пайдаланылған. Жаттығу аяқталғаннан кейін ол табиғи өртті сөндіру операциясына қатысу үшін көршілес Ла-Риоха провинциясына ұшып баруы тиіс болған.