Аптап ыстық: Жапония үкіметі тұрғындар үшін алаңдаулы

Жапонияда аптап ыстық. Сынап бағанасы 41 градустан жоғарылаған.

Үкімет тұрғындардың денсаулығына алаңдап, мейілінше үйде отыруға кеңес берді.

"Рейтердің" хабарлауынша, ыстық күн райы әсіресе егде жастағы жандардың өміріне қауіп төндіріп тұр.

Ресми деректерге сай, осы жазда елде 53 мыңнан астам адам күн өтіп, ауруханаға түскен, деп жазады qazaqstan.tv.

Мұндай аптап ыстық Жапонияда осымен үшінші жаз қатарынан болып отыр.

Елдің солтүстік-шығысында жауын-шашын аз жауған. Бұл күріш алқаптарының өнімділігі үшін тиімсіз.