Туристерге Венециядағы ерекше тыйым туралы ескертілді

Америкалық ерлі-зайыптылар Венецияда жүгіріп жүріп, қала көшелерінде жейдесіз жүруге болмайтынын білді, деп хабарлайды Zakon.kz.

Fox News мәліметінше, әйел әлеуметтік желіде видео жариялаған. Видеода өтіп бара жатқан адамдардың оның жалаңаш денелі серігіне наразылық танытқаны көрінеді. Тіпті жергілікті тұрғындардың бірі оған ескерту жасаған.

Осыдан кейін ерлі-зайыптылар Венецияда қоғамдық орындарда әдепсіз киінгені үшін айыппұл салынуы мүмкін екенін білген.

Сарапшылардың айтуынша, Еуропаның танымал туристік қалаларында қоғамдық тәртіпті бұзуға және жергілікті дәстүрлерге құрметсіздік танытуға жол бермеу үшін көптеген ерекше шектеулер бар.