Құрылтай депутаттарын сайлау: ОСК алдын ала қорытындыны жариялады

Бүгін, 2026 жылғы 24 тамызда Қазақстанның Орталық сайлау комиссиясы Құрылтай депутаттарын сайлаудағы дауыс берудің алдын ала қорытындысын жариялады, деп хабарлайды Zakon.kz тілшісі.

ОСК төрағасы Нұрлан Әбдіровтің айтуынша, Қазақстанда дауыс беру құқығына ие 12 623 289 азамат бар. Сайлауға 9 351 539-дан астам адам қатысқан. Бұл сайлаушылардың жалпы санының 74,08%-ын құрайды.

Алдын ала мәлімет бойынша, бес партия 5 пайыздық межеден өтті:

• "Әділет" – 71,17%;
• "Ауыл" – 6,26%;
• Respublica – 5,56%;
• "Ақ жол" – 5,21%;
• Жалпыұлттық социал-демократиялық партия – 5,11%.
• Қазақстанның Халық партиясы 3,11%, ал "Байтақ" жасылдар партиясы 1,07% дауыс жинады.
• "Барлығына қарсымын" нұсқасын сайлаушылардың 2,51%-ы таңдаған.

2026 жылғы 23 тамыз кешке ОСК төрағасының орынбасары Мұхтар Ерман Қазақстандағы сайлау учаскелерінде дауыс беру аяқталғанын хабарлады. Оның мәліметінше, сағат 20:00-дегі жағдай бойынша 9 352 151 адам дауыс берген.

Ал 24 тамыз таңертең шетелде құрылған 79 учаскелік сайлау комиссиясының барлығы жұмысын аяқтады.