Жәнібек Әлімханұлы әлемдегі үздік 20 боксшының бірі атанды

Boxingscene.com порталы түзген әлемнің үздік 20 боксшысының тізімінде жерлесіміз Жәнібек Әлімханұлы да бар, деп хабарлайды Zakon.kz.

Boxingscene.com порталының тілшісі Стивен Эдвардс әлемнің ең мықты 20 боксшысының тізімін жасады. Бұл тізім боксшының басты жетістіктері, техникалық мүмкіндіктері, рингтегі басымдықтары сынды ең мықты қабілеттері бойынша түзілген.

Рейтингте WBO және IBF тұжырымдары бойынша әлем чемпионы Жәнібек Әлімханұлы 20-орынға орныққан. Ал көшті америкалық Теренс Кроуфорд бастап тұр. Сондай-ақ үздік бестікке Александр Усик (Украина), Наоя Иноуэ (Жапония), сондай-ақ ресейлік Дмитрий Бивол мен Артур Бетербиев те енеді.

Атақты мексикалық Сауль "Канело" Альварес сегізінші орынға жайғасыпты.

Бұған дейін "Интер Майами" өз алаңында "Нью-Йорк Ред Буллзды" 4-1 есебімен жеңгенін жазғанбыз.