Теннистен Қазақстан әйелдер құрамасының әлем чемпионатындағы қарсыластары белгілі болды

14:09, 24 қаңтар 2025

© Сурет: ktf.kz

Командалық әлем чемпионаты саналатын Билли Джин Кинг кубогы іріктеу кезеңінің жеребесі тартылды, деп хабарлайды Zakon.kz.

Қазақстан әйелдер құрамасы командалық әлем чемпионатының іріктеу сайысында D тобында Аустралия және Колумбиямен ойнайды. Бұл топтың матчтары 2025 жылғы сәуір айының екінші аптасында өтеді.

Биыл Билли Джин Кинг кубогының финалдық кезеңіне 12 емес, 8 команда қатысады. Алты топтың жеңімпаздарына турнир қожайыны Қытай мен 2024 жылғы әлем чемпионы Италия қосылады.

Әр топта екінші және үшінші орын алған командалар плей-офф кезеңінде аймақтық топтық турнирлердің үздіктерімен сынға түседі. Плей-офф кезеңінде топтарда үш командадан ойнап, жеңімпаздары 2026 жылдың іріктеу сатысына жолдама алады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!