Көркем гимнастикадан жасөспірімдер арасындағы ӘЧ: Ақмарал Ерекешева алтын медаль иеленді

17:35, 22 маусым 2025

© Сурет: olympic.kz

Софияда (Болгария) көркем гимнастикадан жасөспірімдер арасындағы әлем чемпионатының жекелей бағдарламасы бойынша финалдық кезеңі басталды. Қазақстандық гимнаст Ақмарал Ерекешева доппен өнер көрсетуде алтын медаль иеленді, деп хабарлайды Zakon.kz.

Қазақстандық гимнаст Ақмарал Ерекешева үш бірдей финалға бірінші орынмен жолдама алып, екі жүлдеге ие болды.

Доппен көрсеткен өнері үшін Ерекешева 26.150 ұпай жинап, әлем чемпионы атанды.

Сондай-ақ ол шығыршықтағы жаттығуда 26.950 ұпай жинап, күміс медаль жеңіп алды.

Айта кетейік, 22 маусымда Ақмарал Ерекешева таспамен, ал Айғаным Рысбек былғары ұршықтармен жаттығу финалына қатысады.

Бұған дейін Зарина Дияс Испанияда өткен ITF W35 турнирінің чемпионы атанғанын жазғанбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!