Конькиші Арина Ильященко жасөспірімдер арасындағы Әлем кубогы кезеңінде қола медаль иеленді

Конькимен жүгіруден Қазақстан құрамасының спортшысы Арина Ильященко Польшадағы Томашув-Мазовецки қаласында өткен жасөспірімдер арасындағы Әлем кубогы кезеңінде үшінші орын алды, деп хабарлайды Zakon.kz.

Спортшы 1500 метр қашықтықта қола медаль жеңіп алды.

Бірінші орынды Германиядан келген Марлен Эхселунс иеленсе, италиялық Джорджия Айело екінші болып мәреге жетті.

Айта кетейік, осы Әлем кубогы кезеңінде Қазақстан құрамасы аралас эстафетада да үшінші орын алды.